انځور

| 4 March 2017, 13:08

ځينې افغانان چرګان له ډيره شوقه په جنګ اچوي او د دغو جنګونو له‌پاره خپل چرګان په میاشتو روزي

د چرګانو د جنګ په هر محفل کې په سلګونه نور شوقیان هم ټوليږي او د چرګانو له جنګونو د خوند اخیستلو ترڅنګ ځينې يې پرې شرطونه هم تړي

چرګ‌بازان وايي، چې د چرګانو د جنګ له‌پاره کلنګي هغه يې ښه وي او د دغه نسل د روزلو له‌پاره په میاشتو زیار باسي

د حج او اوقافو وزارت او همدارنګه بشري حقونو کمېسیون دغه کړنه د اسلام خلاف بولي، خو تر اوسه يې په منع کولو بریالي شوي نه‌دي

څو کاله وړاندې د پارلمان ځينو غړو پریکړه وکړه، چې د چرګ‌جنګي، مړز، سپيو، زرکانو او نورو حیواناتو د جنګولو د منعې په موخه د قانون یوه طرحه جوړه کړي، خو داسې لیدل کيږي، چې د دغو حیوانانو جنګول په افغانستان کې له کلونو وړاندې د خلکو ترمنځ دود دی او ممکن دومره ژر يې مخه و نه نیول شي

| 27 February 2017, 16:08

افغان دولت، د کب ۹ مه د افغانستان امنیتي ځواکونو د ورځې په توګه نومولې ده.

دا ورځ، نن په کابل او یوشمېر ولایتونو کې ولمانځل شوه

ولسمشر غني وویل چې تردې وروسته به هر کال د هېواد د امنیتي او دفاعي ځواکونو ورځ لمانځل کیږي

په وروستیو کلونو کې له افغان امنیتي ځواکونو څخه د خلکو او مدني ټولنو ملاتړ ډېر شوی.

سیدهجران فروغ- کابل مانیتور

| 18 February 2017, 17:04

 

کلالیان په لومړي سر کې لوښي له خاورې جوړوي او بیايي د وچېدو په موخه لمرته ایږدي تر څو وچ شي. 

ده په افغانستان کې له کلالیو لوښو تولید او استفاده پخوانۍ لرغونتیا لري. د لوښو صنعت کاران یاسفالګران د لاس په مهارت او یوې ساده دستګاه سره ښکلي ظرفونه جوړوي

د لوښي وچیدو وروسته یو ډول واښو سره چې عشقاربوته نومیږي رنګوي او وروسته بیا دغه لوښي په خاصو داشونو کې ایږدي چې له څو ساعتونو وروسته پخیږي او ګټې اخیستنې ته چمتوکیږي. 

د لوګښو صنعت کاران یا د سفالي لوښو خرڅونکي وایي چې په وروسیتو کلونو کې د هېواد په دننه کې هم خلک د کلالیو او اوبو منګیو څخه استفاده کوي، خو هغه افغانان چې له بهرنیو هېوادونو راځي د بیرته تګ پر مهال د خپلو کورونو ښکلا او له افغانستانه د نښې په توګه کلالي لوښې وړي.  

د کابل استالف سیمه د دې امله چې د هغه زیاتره اوسیدونکي کلالي لوښې جوړوي پر کلالانو سیمه مشهوره ده، خو اوسمهال د دې سیمې ډیر کم اوسیدونکي کولالي لوښې جوړوي او نور یې دا دنده پریښې.

| 14 January 2017, 16:05

ځینې وزلوبه د افغانستان ملي او فرهنګي لوبه بولي

لوبه داسې کیږي، چې یوشمېر اسونو سپاره، د یوې تازه حلالې شوې ووزې یا خوسکي جسد په ځانګړې دایره کې د ځای پر ځای کولو لپاره سیالي کوي.

پر اسونو سپاره باید لومړی د ووزې جسد له ځمکې پورته او له نورو لوبغاړو وړاندې یې دایرې ته ورسوي

| 3 November 2016, 23:09

 څېرې په پاریس کې ځينو افغان کډوالو د یو لاریون په ترڅ کې د افغان دولت او اروپايي هېوادونو ترمنځ د ۸۰ زرو افغان کډوالو د ویستلو هوکړې پر ضد یې شعارونه ورکول.

په دې وروستیو میاشتو کې سلګونو افغان کډوالو د اروپا په بېلابېلو ښارونو کې لاریونونه کړي دي/ المان هامبورک

په سویډن که افغان کډوال په زیاته پېمانه د یو لاریون په ترڅ کې سړکونو ته راووتل

افغان کډوال سره له دې، چې چندان ښه ژوند نه لري، خو بیا هم په اروپايي هېوادونو کې د میشت سند ترلاسه کولو هڅې کوي

زیات شمېر افغان کډوال اروپايي هېوادونو ته د تګ په موخه سختې ستونزې ګاللې دي