عبدالله برای شرکت در نشست شانگهای به تاجکستان رفت

| 11 October 2018, 11:13

عبدالله عبدالله رییس اجراییه کشور جهت اشتراک در هفدهمین اجلاس سران حکومت‌های سازمان هم‌کاری‌‌شانگهای، صبح امروز به تاجیکستان رفت.

در این سفر صلاح‌الدین ربانی وزیر امورخارجه و تعدادی از مسوولین حکومتی رییس اجراییه را همراهی می‌کنند.

بربنیاد خبرنامه ریاست اجرییه، عبدالله عبدالله قرار است در اجلاس سران حکومت‌های سازمان شانگهای که سالانه برای ارزیابی وضعیت منطقه و سیاست‌های این سازمان برگزار می‌گردد به نمایندگی از افغانستان سخنرانی می‌کند.

در خبرنامه گفته شده که رییس اجراییه کشور در حاشیه‌ی نشست سران حکومت‌های شانگهای با رییس جمهور تاجیکستان، نخست وزیر روسیه، نخست وزیر چین٬ نخست وزیر ازبیکستان، نخست وزیر قزاقستان٬ نخست وزیر قرغیزستان٬ نخست وزیر تاجیکستان، نخست وزیر بلاروس و وزیر امورخارجه هند دیدار می‌کند.

رییس اجراییه کشور در سخنرانی خود در این اجلاس و در دیدارهای خود با مقامات و نمایندگان کشورهای مختلف در حاشیه اجلاس در کنار موضوعات مختلف به طور عمده پیرامون نیاز مبرم مبارزه مشترک با دهشت‌افگنی، مبارزه با قاچاق مواد مخدر، گسترش همکاری‌و همگرایی منطقه‌ای، تطبیق برنامه‌های کلان منطقه‌ای، افزایش دادوستد بازرگانی و جلب حمایت کشورهای منطقه از روند صلح به مالکیت و رهبری افغانستان صحبت می‌کند.

لطفاً نظر خود را با فورمه ذیل ارسال کنید.

/>